توں میری جند جان نبی جی
میں تیرے قربان نبی جی
اوہو بن دے جان سپارے
جو توں کرے بیان نبی جی
تیرے ہر اک دم دے بدلے
وسدا پیا جہان نبی جی
ساریاں اچیاں اچیاں نالوں
تیری اچی شان نبی جی
محشر دے دن سب امتاں نوں
تیرا ای بس مان نبی جی
تیرے بناں نہ کوئی بنیا
عرشاں دا مہمان نبی جی
تیری نسبت تیری الفت
میرا دین ایمان نبی جی
تیری نعت کیہ پڑھے ظہوریؔ
نعتاں پڑھے قرآن نبی جی
شاعر کا نام :- محمد علی ظہوری
کتاب کا نام :- صفتاں سوہنے دیاں