ولائے سیّدِ سادات کانِ رحمت ہے
’’حضور آپ کا اسوہ جہانِ رحمت ہے‘‘
ثنا کے پھول وہیں سے میں روز چنتی ہوں
بہت حسین ترا گلستانِ رحمت ہے
سنیں حرم میں رسیلے سے میٹھے لہجے میں
وہی تو لحنِ بلالی اذانِ رحمت ہے
جہاں سے نُورِ ہدایت کی روشنی پُھوٹی
وہ شان والی حرا ہی نشانِ رحمت ہے
ہے شہرِ طیبہ ہی سارے جہانوں کا مرکز
جہاں پہ آپ مکیں ہیں مکانِ رحمت ہے
کلام آپ کریں جو وہی کلامِ خدا
جو کچھ حدیث میں آیا بیانِ رحمت ہے
نبی کے ذکر کی تاثیر ناز یوں دیکھی
پڑھے دُرود جو اُن پر زبانِ رحمت ہے