یہ جو عشّاق ترے طیبہ میں آئے ہوئے ہیں

یہ جو عشّاق ترے طیبہ میں آئے ہوئے ہیں

اپنی تقدیر ترے در پہ جگائے ہوئے ہیں

---

سر پہ رکھے ہوئے ہیں عیب کی گٹھری لیکن

سُن کے جاءوک وہ امید لگائے ہوئے ہیں

---

ہم سے ناکارہ و مجرم بھی ہیں مہمانوں میں

اور کچھ خاص ترے پیارے بھی آئے ہوئے ہیں

---

یہ تری آل کے گوہر، یہ ترے نُورِ نظر

بندہ پرور ہیں ہمیں ساتھ جو لائے ہوئے ہیں

---

کیسی چاہت ہے محبت ہے ادب ہے ان میں

اپنی آنکھیں ترے گنبد پہ جمائے ہوئے ہیں

---

کون لائے گا بھلا ان کی بصیرت کا جواب

خاکِ رہ تیری جو آنکھوں میں لگائے ہوئے ہیں

---

یہ تصور ہے مرا میں ہوں انہیں میں شامل

وہ جو قسمت سے ترے شہر میں آئے ہوئے ہیں

---

دور بیٹھا ہوا نوری بھی ہے دیدادر طلب

ان کا نوکر جو ترے آپ بلائے ہوئے ہیں