کہاں مَیں کہاں آرزوئے مُحمدؐ
مِری آنکھ اور جُستجوئے مُحمَدؐ
بشر چیز کیا قُدسیوں کے لیے بھی
ہَے کُحل البصر خاکِ کوئے مُحمدؐ
گُلوں کی جبیں پر پسینہ سَا آیا
زمانے میں پھیلی جو بُوئے مُحمدؐ
مُسلماں کا دین اُلفتِ مُصطفےٰؐ ہَے
کہ ہَے کعبۂ دین رُوئے مُحمَدؐ
دو عالم تلاشِ رضائے خُدا میں
خدا کو ہَے محبُوب خُوئے مُحمَدؐ
مبارک ہَے وُہ دل کہ جِس دل میں اعظؔم
رہَے جاگزیں آرزُو ئے مُحمَدؐ
شاعر کا نام :- محمد اعظم چشتی
کتاب کا نام :- کلیاتِ اعظم چشتی