یہ سروری ہے بھلا کیا سکندری کیا ہے

یہ سروری ہے بھلا کیا سکندری کیا ہے

درِ نبیﷺ کا گدا ہوں مجھے کمی کیا ہے

---

فدا نہ ہو جو نبیﷺ پر وہ اُمتّی کیا ہے

جو گیت گائے نہ اُن کے وہ آدمی کیا ہے

---

درِ رسولﷺ پہ لے چل جنونِ عشق مجھے

بغیر آقاﷺ کے گزرے وہ زندگی کیا ہے

---

تڑپ رہا ہے جو روضے کی حاضری کے لیے

اُسی غریب سے پوچھو کہ بے بسی کیا ہے

---

یہ چاندنی تو رُخِ مصطفیٰ ﷺ کا ہے صدقہ

رُخِ حضورﷺ کے آگے یہ چاندنی کیا ہے

---

میں مانتا ہوں بھرا ہے جہاں فقیروں سے

بدل نہ دے جو مقدر فقیری کیا ہے

---

بڑا کرم ہے نیازی مدینے والے کا

کرم نہ ہو جو نبی ﷺ کا تو زندگی کیا ہے