یوں تو لاکھوں مہ جبیں ہیں آپ سا کوئی نہیں

یوں تو لاکھوں مہ جبیں ہیں آپ سا کوئی نہیں

ایک محبوبِ خدا ہے دوسرا کوئی نہیں

---

ہیں شبِ اسرٰے کی ساری رفعتیں ان پر نثار

ایسی خلوت میں گیا ان کے سوا کوئی نہیں

---

جرم کتنا ہی نہ کیوں ہو بخش دیتا ہے خدا

وہ جسے کہہ دیں کہ جا تیری خطا کوئی نہیں

---

وہ عبادت جس میں حبِ مصطفےٰؐ شامل نہیں

یہ وہ کشتی ہے جس کا ناخدا کوئی نہیں

---

مسکنِ نبوی مدینہ پاسدارِ بیکساں

اور دنیا میں کہیں ایسی فضا کوئی نہیں

---

دیکھ کر مجھ کو ظہوریؔ اتنا کہتے ہیں طبیب

یہ مریضِ عشق ہے اس کی دوا کوئی نہیں