دعائے قلبِ خلیل ہیں وہ

دعائے قلبِ خلیل ہیں وہ

رضائے ربّ جلیل ہیں وہ

---

امانتوں کے امین ہیں وہ

صدا قتوں کی دلیل ہیں وہ

---

گناہگاروں کا آسرا ہیں

مغفرت کی سبیل ہیں وہ

---

جو صاحبِ عدل و آگہی ہیں

عقیل ہیں وہ ‘ عدیل ہیں وہ

---

حُسن ِ مطلق کا آئینہ ہیں

جمیل ہیں وہ ‘ شکیل ہیں وہ

---

وہ ناتوانوں کے پاسباں ہیں

تو غمزدوں کے غفیل ہیں وہ

---

جو بے سہاروں کا آسرا ہیں وہ

تو بے کسوں کے کفیل ہیں وہ

---

شفاعت ان کے بیاں ہو کیسے

کہ پیکرِ بے مثیل ہیں وہ

---

وہ صحن کعبہ کی روشنی ہیں

چراغِ دیں کی فصیل ہیں وہ

---

وہ خیر اعلیٰ ہیں حرفِ حق ہیں

بغیر و بے قال و قیل ہیں وہ

---

وہی ہیں تشنہ لبوں کا مشرب

کہ سا قئ سلسبیل ہیں وہ

---

مقام ان کا بہت بڑا ہے

حبیبِ ربِ جلیل ہیں وہ

---

ازل بھی اُن کا ‘ ابد بھی اُن کا

نوردِ راہِ طویل ہیں وہ

---

صراط دینِ مبینِ حق کا

چراغ ہیں ‘ سنگِ میل ہیں وہ