فرشتوں کے دل پر بھی جس کا اثر ہے

فرشتوں کے دل پر بھی جس کا اثر ہے

وہ اُس کی نظر ہے وہ اُس کی نظر ہے

---

ملے جس کے سائے میں جنت کی خوشبو

وہی وہ شجر ہے وہی وہ شجر ہے

---

اُسے تم نہ سمجھو کوئی عام انساں

وہ خیر البشرؐ ہے وہ خیر البشرؐ ہے

---

اگرچہ نبی پاکؐ ہیں سارے لیکن

وہ چیزِ دِگر ہے وہ چیزِ دِگر ہے

---

منوّر کیا جس نے دونوں جہاں کو

وہی وہ قمر ہے وہی وہ قمر ہے

---

جہاں پر ملے ساری دنیا کو راحت

وہی ایک گھر ہے وہی ایک گھر ہے

---

جو عرشِ بریں پر ہوا ختم جا کر

اُسی کا سفر ہے اُسی کا سفر ہے

---

ملی جس کے صدقے بشر کو فضیلت

وہی وہ بشر ہے وہی وہ بشر ہے