خدا کے بعد کوئی آپؐ سے کبیر نہیں

خدا کے بعد کوئی آپؐ سے کبیر نہیں

کسی سراج کی تو اس قدر منیر نہیں

---

ہوائے راہِ طلب دھول مت اُڑا مجھ پر

چلا ہوں کوئے نبیؐ عام راہگیر نہیں

---

جنہیں نہیں ہے محمدؐ کی عظمتوں کا دَرک

میں اُن سے بات کروں اتنا بے ضمیر نہیں

---

ہے دو کریموں کی مجھ پر عنایتِ بیہم

اگرچہ نیک عمل ہاتھ میں کثیر نہیں

---

بدن پہ کھردرا جُبّہ ہے سادگی دیکھو

لباسِ سرورِ دیںؐ ریشم و حریر نہیں

---

حسین ایسا کسی آنکھ نے نہیں دیکھا

مثال کوئی نہیں آپؐ کی نظیر نہیں

---

وہ کیسے مومنِ کامِل ہو ، غیر ممکن ہے

جو تیریؐ زلفِ گرہ گیر کا اسیر نہیں