منوّر ہوگیا عالم کا سینہ
خوشا تابانی ماہِ مدینہ
ملی ہے تازگی قلبِ تپاں کو
بڑئے کام آئی ہے آہِ شبینہ
مری نظروں میں ہے وہ رُوح ِ کونین
لُٹا یا جس نے معنی کا خزینہ
نویدِ مغفرت جس کی اطاعت
شریعت جس کی بامِ حق کا زینہ
سُجھایا جس نے غمخواری کا انداز
سِکھایا جس نے جینے کا قرینہ
جِلا دم توڑتی قدروں کو بخشی
بنایا جس نے یثرب کو مدینہ
نِکالا جس نے گردابِ بلا سے
پریشاں آدمیّت کا سِفینہ
شاعر کا نام :- حفیظ تائب
کتاب کا نام :- کلیاتِ حفیظ تائب