ماند پڑ جاتا ہے اُنؐ کے آگے حسنِ کائنات

ماند پڑ جاتا ہے اُنؐ کے آگے حسنِ کائنات

ان کے پاؤں چومتی ہے ساری پاکیزہ حیات

---

چاند سورج اورستارے ان کے ہیں قدموں کی دھول

جنت الفردوس سے بڑھ کر ہیں ان کی بیگمات

---

ہوش میں رہتا نہیں جو اُنؐ کو خالی دیکھ لے

اُنؐ کے چہرے میں ہیں رقصاں حسن کی ساری صفات

---

اپنے فردوسی محل میں سنتے ہیں سب کے سلام

پہلے جیسی زندگی ان کو ملی بعد الممات

---

گھر کے سب افراد ہی زندہ ہیں پہلے کی طرح

ساتھ رہتی ہیں نبیؐ کے ان کی زواج و بنات

---

ان کی خوشبو سے مہک اٹھی ہے فردوسِ بریں

ہر طرف پھیلی ہوئی ہیں ان کی ساری صالحات

---

ساری دنیا اک طرف ان کا زمانہ اک طرف

ساری صدیوں پر ہے بھاری اُنؐ کی انجؔم ایک رات