Who wrote the lyrics "مرحلۂ شوق پھر اِک سر ہوا"?

انجم نیازی is the poet who wrote the lyrics of "مرحلۂ شوق پھر اِک سر ہوا."

In which book are the lyrics "مرحلۂ شوق پھر اِک سر ہوا" written?

These lyrics are included in the book "حرا کی خوشبُو."

The lyrics are written in urdu.

"مرحلۂ شوق پھر اِک سر ہوا" is categorized as a naat.

مرحلۂ شوق پھر اِک سر ہوا

جب ہوا، جیسے ہوا بہتر ہوا

میں نے پایا ہے تجھے اپنے قریب

جب کبھی اشکوں سے دامن تر ہوا

عظمتِ انسان کا ہر واقعہ

تیرے گھر یا تیری چوکھٹ پر ہوا

گنبد خضرا نظر آیا مجھے

پھر کرم اِک بار آنکھوں پر ہوا

سوچتا ہوں میں جدا اس شہر سے

کب ہوا، کیسے ہوا، کیوں کر ہوا

تیرے قدموں سے لپٹنا ہے مجھے

روزِ اوّل یہ سبق ازبر ہوا

تیری خوشبو سے معطر دوجہاں

تیرا چرچا جا بہ جا گھر گھر ہوا

تیری یادیں دل کا حصہ بن گئیں

دِل ترے ہی پیار کا خُوگر ہوا

ہر گھڑی مجھ کو بہت بھاری لگی

ہر قدم مشکل سے مشکل تر ہوا

اب تو اذنِ باریابی دے مجھے

اب تو جینا بھی مرا دوبھر ہوا