مصطفیٰ صلِّ علیٰ سید و سرور کے طفیل
اے خدا بخش دے مجھ کو رخِ انور کے طفیل
دیں کے اعدا پہ مرے رب مجھے غالب رکھنا
فتح و نصرت دے مجھے فاتحِ خیبر کے طفیل
کیوں نہ ہم روضہء سرکار کی تعظیم کریں
معرفت حق کی ہوئی ہے ہمیں اس در کے طفیل
ہیں گنہگار مگر اتنا یقیں ہے ہم کو
مغفرت پائیں گے ہم شافعِ محشر کے طفیل
یوں تو ساقی تھے کئی میکدہء وحدت میں
تشنگی دور ہوئی ساقیِ کوثر کے طفیل
نظمی قرآن کی تفسیر بتاتی ہے کہ ہے
روشنی شمس و قمر میں رخِ انور کے طفیل
شاعر کا نام :- سید آل رسول حسنین میاں برکاتی نظمی
کتاب کا نام :- بعد از خدا