رو میں ہے میرا قلم ذکرِ مدینہ کی طرف
’’سطرِ مدحت کا سفر شہرِ مدینہ کی طرف‘‘
دے سدا نورِ بصر گنبدِ خضریٰ مجھ کو
میری رہتی ہے نظر خضرِ مدینہ کی طرف
ساری دنیا پہ برستا ہے یہ رحمت بن کر
ہر کسی کی ہے نظر ابرِ مدینہ کی طرف
روزِ محشر جو سوا نیزے پہ سورج ہو گا
سب کی اٹھے گی نظر مہرِ مدینہ کی طرف
پاسبانی میں یہاں دل کی ہے رہتی طاہرؔ
سوچ جائے گی کہاں ہجرِ مدینہ کی طرف
شاعر کا نام :- پروفیسر محمد طاہر صدیقی
کتاب کا نام :- طرحِ نعت