واہ دربار ہے ذی شان رسولِ عربیؐ
میری جاں آپ پہ قربان رسولِ عربیؐ
ہم کہاں ہوتے اگر آپ نہ آئے ہوتے
ہم پہ ہے آپ کا احسان رسولِ عربیؐ
عزت اس کی ہے نجات اس کی ہے جنت اس کی
جو ہوا عاملِ فرمانِ رسولِ عربیؐ
طیبہ آؤں تو میں روضہ کی زیارت کرلوں
ہے میرے دل میں یہ ارمان رسولِ عربیؐ
ہوں سیہ کار و خطا وار و گنہگار مگر
آپ کے در کا ہوں دربان رسولِ عربیؐ
آپ کے در کا دو عالم کو ملا ہے صدقہ
ملے نظمی کو بھی کچھ دان رسولِ عربی
شاعر کا نام :- سید آل رسول حسنین میاں برکاتی نظمی
کتاب کا نام :- بعد از خدا