Who wrote the lyrics "خوشا جو خدا کا حرم دیکھتے ہیں"?

طاہر سلطانی is the poet who wrote the lyrics of "خوشا جو خدا کا حرم دیکھتے ہیں."

In which book are the lyrics "خوشا جو خدا کا حرم دیکھتے ہیں" written?

These lyrics are included in the book "پیشِ خدا ہوں حمد کا دیواں لیے ہوئے."

The lyrics are written in urdu.

"خوشا جو خدا کا حرم دیکھتے ہیں" is categorized as a Hamad.

خوشا جو خدا کا حرم دیکھتے ہیں

زمیں پہ وہ باغِ ارم دیکھتے ہیں

ارادہ کیا جب بھی حمد و ثنا کا

تو سجدے میں اپنا قلم دیکھتے ہیں

یہ اللہ والوں کی پہچان ٹھہری

وہ دنیا کے میلوں کو کم دیکھتے ہیں

جو بھر بھر کے پیتے ہیں جامِ طہورا

وہ سجدے میں رب کا کرم دیکھتے ہیں

جو راہِ خدا سے بھٹکتے ہیں بندے

کہاں وہ خدا کا کرم دیکھتے ہیں

خدا سے ہے دوری کا سب یہ نتیجہ

یہ دنیا میں ہم جو ستم دیکھتے ہیں

ہر اک لمحہ رب کی نوازش عطائیں

یہی ہم خدا کی قسم دیکھتے ہیں

جو احکامِ رب پر چلا اس کو طاہرؔ

محبت سے شاہِ امم دیکھتے ہیں

خدا نے بلایا ہے طاہرؔ تمہیں اب

چلو چل کے ملکِ عدم دیکھتے ہیں