ترے فضل و کرم سے ہے ہویدا
یہ دن اور رات نورانی سویرا
تو مالک اور رازق ہے سبھی کا
ہر اِک بندہ ترا ہی رزق کھاتا
اطاعت کر خدا کی مصطفیٰﷺ کی
نجات و مغفرت کا ہے یہ جادہ
تو عامل بن کے قرآنِ مبیں کا
خدا کے دوستوں کی صف میں آجا
محبت سے اطاعت کر خدا کی
محبت سے زمانے بھر پہ چھاجا
مرے رب کی پکڑ سے کیا بچے گا
غریبوں کو جو ظالم ہے ستاتا
جو بیٹھا حمد لکھنے کو کبھی میں
تو قرآں سے کیا ہے استفادہ
ہے ذکرِ ربِّ عالم میں بلا شک
سکونِ قلب طاہرؔ بے تحاشا
شاعر کا نام :- طاہر سلطانی
کتاب کا نام :- پیشِ خدا ہوں حمد کا دیواں لیے ہوئے