بڑے کرماں والے او سجنو ایتھے دربار ہے داتا دا
تہاڈے بختاں دی کیہڑا ریس کرے ہر وقت دیدار ہے داتا دا
دسیا اے غریب نواز ہوراں دے ہوکا سارے عالم وچ
گنج بخش دیندا دو عالم دے جیہڑا بن دا یار رہے داتا دا
ایہہ گھڑیاں ہیں سرور دیاں لگیاں نے جھڑیاں نور دیاں
آیاں سیاں نیڑے دُور دیاں ایہہ خاص پیار ہے داتا دا
ایتھے سودے ملن ایماناں دے سر جھکدے نے سلطاناں دے
ایتھے کاسے بھرن جہاناں دے کھلا فیض دا بار ہے داتا دا
مونہوں منگتیاں مراداں ملدیاں نے ایتھے دل دیاں کلیاں کھلدیاں نے
محشر تک کھڑ یار بناں ایں ایہہ باغ بہار ہے داتا دا
دیا دے گوشے گوشے وچ داتا دے ڈنکے وجدے نے
ایہ کرم ہے کملی والے دا ہویا کل سنسار ہے داتا دا
سمجھاوے کون نیازی نوں اس عشق دے خاص نمازی نوں
اہنوں لوڑ نئیں دید طبیباں دی جیہڑا بیمار ہے داتا دا
شاعر کا نام :- عبدالستار نیازی
کتاب کا نام :- کلیات نیازی