بُو بکر و عُمر ، عثمان و علی
اِسلام کے بازُو ، دِیں کے ولی
محرا بِ حَرم کی قندیلیں
احکامِ خُدا کی تفصِیلیں
سُنّت کی تصاویرِ عَملَی
سب سالاروں کا اِک دَستہ
سب ایک شجر سے وابستہ
اِک خُوشبُو سب کے ساتھ چلی
آئینہء حق کی تَصوِیریں
ایمان و عَمل کی تحریریں
سچائیوں کے عُنوانِ جلی
ہے پیار مظفّر پیاروں سے
چاروں ہی نبی کے یاروں سے
آباد ہے میرے دِل کی گلی
شاعر کا نام :- مظفر وارثی
کتاب کا نام :- بابِ حرم