تیرا وسدا روے گجرات وے بابا کانواں والیا
پا رحمت دی اک جھات وے بابا کانواں والیا
کرماں والے کرم الہی قائم رکھے رب تیری شاہی
تیری اچی اے ذات صفات وے بابا کانواں والیا
چانن دل دی اکھ داک ر دے لکھ دا نئیں میں لکھ دا کر دے
تیری رب نہ موڑے بات وے بابا کانواں والیا
کرم الہی ناں ایں تیرا کرم تھیں پلہ بھر دے میرا
ملے منگتے نوں خیرات وے بابا کانوان والیا
میں مسکین تے کرم کماویں میرے گھر وی پھیرا پاویں
مری رات بنے شبرات وے بابا کانواں والیا
ہر دم کر دا عرض نیازی میرے تے کر کرم نوازی
میری بن جائے جگ تے بات وے کانواں والیا
شاعر کا نام :- عبدالستار نیازی
کتاب کا نام :- کلیات نیازی