آگیا آگیا والی کونین دا بیکساں بے قراراں دے دن پھر گئے
میرے لچ پال سوہنے دا ہو یا کرم میرے ور گے ہزاروں دے دن پھر گئے
پتے پتے اتے حسن سرکار دا ڈالی ڈالی کرے ورد صلے علے
ایسی چلی نبی دے کرم دی ہوا پھل مہکے بہاراں دے دن پھر گئے
اللہ اللہ نبی دیاں غمخواریاں اوکڑاں دور ہوئیاں سروں ساریاں
نال سو ہنے دے لائیاں جدوں یاریاں کملی والے دے یاراں دے دن پھر گئے
بھاگ جاگے حرا ثور دی غار دے لگے جس دم قدم میری سرکار دے
رو رو منگیاں دعاواں جد امت لئی کلی امت کی غاراں دے دن پھر گئے
گولڑے شرق پور اجمیر وچہ پاکپتن، علی پور تے، ہجویر وچہ
اوہدے میخواراں کھولے میخانے جدوں میرے جہے باوہ خواراں دے دن پھر گے
کاسے بھر دتے سوہنے نے امید دے آگئے گھر غریباں دے دن عید دے
جام بخشے نبی نے جدوں دید دے مروے جاندے بیماراں دے دن پھر گے
نہ پلاون دیاں تے نہ پینے دیاں گلاں کردا ہاں میں تے مدینے دیاں
ایسی نسبت دی دولت نیازی ملی میریاں سوچاں وچاراں دے دن پھر گے
شاعر کا نام :- عبدالستار نیازی
کتاب کا نام :- کلیات نیازی