اج آگیا جس نے آؤنا سی تاہنگاں دیاں گھڑیاں مُکیاں نے
گل لاؤن لئی عرش ستارے نوں دھرتی نے بانہواں چُکیاں نے
آ آ کے حُوراں جنت چوں کر کر کے زیارت جاندیاں نے
سب رحمتاں اللہ پاک دیاں گھر آمنہ دے آ ڈُھکیاں نے
ہر لہر توحید دے بحر اندر موجاں وچہ موج مناوندی اے
سب نہراں کُفر تے شرک دیاں اج وگدیاں وگدیاں سُکیاں نے
آج رب دا پیارا یار آیا سب دُنیا دا سردار آیا
سجدے لئی آمنہ دے گھر ول کعبے دیاں کندھاں جُھکیاں نے
دُکھ ملک گئے آج مظلوماں دے گئے سنگل ٹُٹ محکوماں دے
آج صائم ظلم دی بہار ہوئی ظالم دیاں نبضاں رُکیاں نے
شاعر کا نام :- علامہ صائم چشتی
کتاب کا نام :- کلیات صائم چشتی