بھی کوئی توقع ہم نہیں رکھتے، زمانے سے

بھی کوئی توقع ہم نہیں رکھتے، زمانے سے

ہمارا کام چلتا ہے نبی کے آستانے سے

---

ہمیں محفوظ ہی رکھتےہیں آقاغم اٹھانے سے

خوشی کے قافلے وہ بھیجتے ہیں آستانے سے

---

ضلالت کا اندھیرا رقص کرتا تھا زمانے سے

چھپا کر منہ گیا سرکار کے تشریف لانے سے

---

اے شیطانِ لعیں ، گستاخ ! تیرے ورغلانے سے

نہیں باز آئیں گے ہم محفلِ آقا سجانے سے

---

اسیرِ عشقِ شاہِ بحر و بر دل جب سے ہو بیٹھا

رہائی مل گئی اس کو غموں کے قید خانے سے

---

ہوا یہ فائدہ آنکھوں میں پھر جالا نہیں دیکھا

سرِ مژگاں گہر عشقِ نبی کا جگمگانے سے

---

سعودی حکمرانوں نے نہیں رہنے دیا ورنہ

شفیقؔ آتا نہیں واپس نبی کے آستانے سے