Who wrote the lyrics "بلا سبب تو نہیں ہے کھلا دریچۂ خیر"?

محمد ظفراقبال نوری is the poet who wrote the lyrics of "بلا سبب تو نہیں ہے کھلا دریچۂ خیر."

In which book are the lyrics "بلا سبب تو نہیں ہے کھلا دریچۂ خیر" written?

These lyrics are included in the book "مصحفِ ثنا."

The lyrics are written in urdu.

"بلا سبب تو نہیں ہے کھلا دریچۂ خیر" is categorized as a naat.

صبا نے دل کو سنایا کسی کا گفتۂ خیر

ریاضِ جاں میں انہی سے کھلے ہیں خیر کے گل

دل و نگاہ انہی سے بنے حدیقۂ خیر

بچھا کے بیٹھے ہیں آنکھیں کہ ہو گا ان کا گزر

چمک رہا ہے امیدوں سے دل کا خیمۂ خیر

گزر رہی ہے جو بادِ نسیم دھیرے سے

کسی غلام کا لے کر چلی ہے تحفۂ خیر

صبا کے لب پہ جو رہتی ہے نغمگی ہر دَم

درود پڑھتی ہے یا پھر سلامِ نغمۂ خیر

کرم پہ ان کے یقیں ہے مجھے بلائیں گے

انہیں خبر ہے ہماری بلا عریضۂ خیر

ذرا سا رک تو اجل اور لے ذرا سا دَم

ابھی دکھائیں گے مجھ کو حضور چہرۂ خیر

کہیں پہ سعدی و جامی، کہیں پہ بو صیری

سبھی کی فکر کا حاصل ثنا کا توشۂ خیر

کہاں رضا کا وہ لہجہ کہاں نصیر کا رنگ

کہاں وہ حُسْنْ حَسَنْ کاکہاں یہ ھدیۂ خیر

انہی کے اذن سے جب بھی ہوئی ہے نعت رقم

ظفر نصیب ہوا ہے مجھے بھی خامۂ خیر

کتاب کا نام :- مصحفِ ثنا