چن رجب دا جسدم چڑھیا
سوچ براق اقصےٰ ول اُڈیا
جتھے پاک نبیؐ دے پچھے
بنھ صفاں سبھ نبیؑ کھلوتے
جتھوں اپڑے آقاؐ ساڈے
سدرہ توں وی کتے اگیرے
اَوْ اَدْنیٰ دی منزل توڑی
خالق دی خدمت وچ کیتے
پیش نیازاں والے تحفے
اگّوں ربّ تعالیٰ دِتّے
امّت لئی نمازاں روزے
بھیت خدائیاں والے سارے
پاک نبیؐ نوں کھول کے دَسّے
سبھ امکاناں دے در کھولے
لکھ سلام نبی سرورؐ تے
شاعر کا نام :- حفیظ تائب
کتاب کا نام :- کلیاتِ حفیظ تائب