ہے بڑیاں شاناں والا یار میرا
فدا اوہدے اتوں گھر بار میرا
میں گاواں ایس لئی ماہی دے ڈھولے
پسند آ جاوے اوہنوں پیار میرا
میں ایسے آس تے ہن تک ہاں جیوندی
کدی آوے گا او من ٹھار میرا
اوہدے محبوب دا ہاں نام لیوا
مینوں بخشے گا بخشین ہار میرا
کیہدے در تے میں جا دیواں صداواں
تیرے بن کوئی نہیں سرکار میرا
نیازی غم کراں میں کیوں غماں دا
ہے کملی والا جد غم خوار میرا
شاعر کا نام :- عبدالستار نیازی
کتاب کا نام :- کلیات نیازی