ہر وقت اُڈیکاں لگیاں مینوں سوہنے دے دربار دیاں
ہنجواں دیاں وگدیاں ندیاں اکھیاں وچ ٹھاٹھاں مار دیاں
کون میرے ایہہ درد مکاوے، کیویں چین اکھاں نوں آوے
کیویں چین آکھاں نوں آوے بھکھیاں نے دیدار دیاں
ہجر ماہی دا جان جلا وے ، اک پل مینوں چین ناں آوے
اک پل مینوں چین ناں آوے تاہنگاں نے سرکار دیاں
یوسف ورگے ویچن جاناں ، سب دنیا توں اچیاں شاناں
سب دنیا توں اُچیاں شاناں طیبہ دے بازار دیاں
تڑپاں پھڑکاں بھر بھر ہاؤاں ، شام سویرے ویکھاں راہواں
شام سویرے دیکھاں راہواں عربی شاہ اسوار دیاں
کد دیدار ہے اُس دا پوناں ، جس در اُتے جھکدیاں دھوناں
جس در اُتے جھکدیاں دھوناں سارے ای سنسار دیاں
کد ویکھاں گا نوری تھاواں ، ہوسن کد منظور دُعاواں
ہوسن کد منظور دعاواں صائم او گنہار دیاں
شاعر کا نام :- علامہ صائم چشتی
کتاب کا نام :- کلیات صائم چشتی