عشق دیاں اگاں نئیوں لائیاں جاندیاں
لگ جان پھیر نئیں بجھائیاں جاندیاں
گل ہے ضرور کوئی سوہنے اپروں
ایویں تے نئیں دولتاں لٹائیاں جاندیاں
عشق دے سکول عاشقاں نوں ویکھیا
وکھریاں کتاباں نے پڑھائیاں جاندیاں
کسے دیاں شاناں جے ودھائیاں رب نے
کسے دے گھٹائیاں نئیں گھٹائیاں جاندیاں
عشق دی کٹھانی وچہ میں مار کے
غیر کتے رنگتاں چڑھائیاں جاندیاں
اللہ دے کرم دیاں ہوں بارشاں
جتھے کتے محفلاں سجائیاں جاندیاں
گھر بار وار کے حسین دسیا
اپنیاں کدے نئیں منائیاں جاندیاں
اونہاں دیاں لذتاں عجیب دیکھیاں
نظراں دے نال جو پلائیاں جاندیاں
چہرہ ہندا یار دا نگاہواں سامنے
ایویں تے نئیں گردناں کٹائیاں جاندیاں
سعدیہ دے حصے سی حضور آوناں
بھاویں سارے جگ دیاں دائیاں جاندیاں
تن من وار دے نیازی یار توں
گھروں تیرے نئیوں بادشائیاں جاندیاں
شاعر کا نام :- عبدالستار نیازی
کتاب کا نام :- کلیات نیازی