جد نظر کسے دی ہو جاوے
رنگ لگ جاندے تدبیراں نوں
کسے کامل دا جد لڑ پھڑئیے
رب بدل دیندا تقدیراں نوں
اسیں در در متھا ٹیکدے نئیں
تھاں تھاں دی اگ وی سیکدے نہیں
جیڑے خادم کملی والے دے
اسیں من دے اوہناں پیراں نوں
ساڈے دل وچ صورت یاردی اے
جدوں چاہونے آں تک لینے آں
جیہدے دل وچ سوہنا وسداے
اوہ پوجدا نئیں تصویراں نوں
اللہ دے رنگ نیارے نے
کوئی تخت اُتے کوئی تختے تے
سب یار میرے دے بر دے نے
نہ مندا بول فقیراں نوں
سن عشق نبی دے دیوانے
گل یاد رکھیں دیوانے دی
جیہدے وچ سرکار دی صفت نہیں
نہ سن اوہناں تقریراں نوں
ایہ حصہ اپنا اپنا ایں
ایہ قسمت اپنی اپنی ایں
میں لبھ لیا دل دے رانجھن نوں
کئی لبھدے پھر دے ہیراں نوں
دسیا اے نیازی مینوں وی
میراں دے اک مستانے نے
جدوں سر تے مشکل پے جاوے
دے لئیں آواز توں میراں نوں
شاعر کا نام :- عبدالستار نیازی
کتاب کا نام :- کلیات نیازی