جد رات پئی تے سوہنے نوں رب کول بلا کے ویکھ لیا
دن چڑھیا کملی والے نوں سب یاراں آکے ویکھ لیا
خالق وی تاہنگے درشن نوں مخلوق وے ترسے ویکھن نوں
کسے کول بلا کے ویکھ لیا کسے در تے جا کے ویکھ لیا
مطلوب اے سُتّا فرشاں تے طالب نوں اڈیکاں عرشاں تے
جبرئیلؑ نوں گھلیاں نال ادب سوہنے نوں جگا کے ویکھ لیا
تلیاں نے پاک حضورؐ دیاں اج صدقے اکھیاں نُور دیاں
قاصد نے سوہنے قدماں وچہ سر اپنا جھکا کے ویکھ لیا
معراج دا مطلب ایہہ کہنا طالب مطلوب دا مل بہنا
اک دوجے نے اک دوجے نوں رج کول بٹھا کے ویکھ لیا
چرچا سرکارؐ دا کرنا ایں ساڈا ایخو جینا مرنا ایں
ہوندا اے ظہوریؔ رب راضی اساں نعت سُنا کے ویکھ لیا
شاعر کا نام :- محمد علی ظہوری
کتاب کا نام :- کِتھے تیری ثناء