تیری آمد ہوئی نُور و نور سی
ہوگئی ظلمت جہانوں دُور سی
مشکلاں دے بھار سر توں لہہ گئے
بے کس و لاچار اُٹھ کے بہہ گئے
آسرا ملیا نمانے تِڑپئے
ٹہنیاں تے پھل سجرے کھِڑ پئے
پُج گیاں آساں محروماں دیا
رب نے سنیاں ہاواں مظلوماں دیاں
وچھڑے ہوئے دل ملائے نے تُساں
بھلیاں نوں رستے وکھائے نے تساں
انبیاء تکدے نے راہواں تیریاں
رب نوں ویکھن نگاہواں تیریاں
رہندیاں امت تے چھانواں تیریاں
اللہ من دا اے رضاواں تیریاں
دکھاں دے مکن دا حیلہ بن گیا
عاصیاں دا اک وسیلہ بن گیا
بھیڑے دنیا تو نرالے ہوگئے
کرماں مارے بختاں والے ہوگئے
جھوٹھے آئے حق دے متوالے بنے
چور چوری چھڈ کے رکھوالے بنے
دُور دنیا توں ہنیرا ہوگیا
آگیا سوہنا سویرا ہوگیا
اوہ ظہوریؔ مونس و لجپال اے
سب دا دردی آمنہ دا لال اے
شاعر کا نام :- محمد علی ظہوری
کتاب کا نام :- کِتھے تیری ثناء