سورج چن ستارے امبر، دھرتی چار چوفیرا
جہڑے پاسے جھاتی ماراں سارا ای چانن تیرا
ساریاں اچیاں اچیاں نالوں تیرا شان اچیرا
تیری رحمت باہج ظہوریؔ کوڈی مل نئیں میرا
ہوراں دے نے ہور سہارے مینوں سہارا تیرا
لوکی آکھن میری میری میں آکھاں میں تیرا
تیرا تیرا آکھدیاں وی کم نئیں بندا میرا
بنے ظہوریؔ جے کر توں وی کہہ دیویں ایہہ میرا
آخر ویلے میریاں اکھیاں راہ تکناں ایں تیرا
تیرا کُجھ نئیں جاندا جیکر پا جاویں اک پھیرا
جے توں سر تے آن کھلوویں پردہ رہ جائے میرا
سوکھا نکلے ساہ ظہوریؔ ویخ لواں مُکھ تیرا
شاعر کا نام :- محمد علی ظہوری
کتاب کا نام :- کِتھے تیری ثناء