جادہ شناسِ منزلِ وحدت صلّ اللہ علیہ وسلّم
آئنہ دارِ مہرِ مشیّت صلّ اللہ علیہ وسلّم
دافِعِ زحمت قاسمِ رحمت صلّ اللہ علیہ وسلّم
سرتاپا اِحسان و مروّت صلّ اللہ علیہ وسلّم
سیّدِ دَوراں شاہِ رسُولاں صاحبِ قُرآں مشعلِ عرفاں
شمِع ہدایت آیۂ رحمت صلّ اللہ علیہ وسلّم
رب سے جو چاہیں منوائیں جس کو جو چاہیں دلوائیں
اللہ اللہ شانِ رسالت صلّ اللہ علیہ وسلّم
ہادی آئے رہبر آئے لیکن کوئی نہ آیا بن کر
ضامنِ بخشش شافعِ اُمّت صلّ اللہ علیہ وسلّم
سمجھو تو ایمان یہی ہے ‘ جانو تو عِرفان یہی ہے
آپ کی الفت آپ کی چاہت صلّ اللہ علیہ وسلم
ساقئ کوثر ہادئ اکبر مُحسِن عالم مُونسِ اعظؔم
جانِ شرافت رُوحِ صداقت صلّ اللہ علیہ وسلّم
شاعر کا نام :- محمد اعظم چشتی
کتاب کا نام :- کلیاتِ اعظم چشتی