کملی والے میں صدقے تری یاد توں
یاد آؤندی رہی غم ستاؤندا رہیا
جان جلدی رہی اشک ورہدے رہے
دِل تڑپدا رہیا تلملاؤندا رہیا
میرا موجاں دے اندر سفینہ رہیا
بچن دا یاد اکو قرینہ رہیا
سامنے مصطفیٰ دا مدینہ رہیا
خُود ہی طوفان رستہ دکھاؤندا رہیا
غار وچ یار دی گود وچ یار سی
ڈنگ تے ڈنگ پیا ماردا مار سی
مار ڈسدا رہیا یار دسدا رہیا
زہر چڑھدا رہیا كيف اوندا رہیا
قبر اندر جاں منکر نکیر آگئے
سارے دفتر حساباں دے ٹھپے رہے
اوہ وی بُھل کے سوالاں نوں رہے جُھومدے
میں وہی نعت محمد سناوندا رہیا
کُجھ پتہ مینوں منزل نہ راہواں دا سی
بھار وی بھارا صائم گناہواں دا سی
کھا کے ٹھوکر تے ٹھوکر میں ڈگدا رہیا
میرا محبوب مینوں اُٹھاوندا رہیا
شاعر کا نام :- علامہ صائم چشتی
کتاب کا نام :- کلیات صائم چشتی