کملی والیا شاہ اسوارا دید کرادے ماہ انوارا
میں گولی توں صاحب میرا بلکہ بَردا سب جگ تیرا
توں عرشاں دا نوری تارا دید کرادے ماہ انوارا
توں غَیباں نوں جانن والا سیج فترضیٰ مانن والا
تیرے نوروں ہے جگ سارا کملی والیا شاہ اسوارا
حکم تیرے تھیں سورج مُردا چن دو ٹوٹے ہو کے جُڑدا
تاریاں وچ تیرا لشکارا کملی والیا شاہ اسوارا
رب تیرا توں رب دا ماہی عرش فرش تے تیری شاہی
توں رب دا محبوب پیارا دید کرادے ماہ انوارا
کملی والیا موڑ مہاراں لے تتڑی دیاں آ کے ساراں
کر صائم دے غم دا چارا دید کرادے ماہ انوارا
کملی والیا شاہ اسوارا دید کرادے ماہ انوارا
شاعر کا نام :- علامہ صائم چشتی
کتاب کا نام :- کلیات صائم چشتی