خیال حسن رسول زمن میں رہتے ہیں

خیال حسن رسول زمن میں رہتے ہیں

وہ بن کے روح مرے تن بدن میں رہتے ہیں

---

میں اس حبیب کا مدحت نگا ہوں لوگو

کہ جس کے تذکرے ہر انجمن میں رہتے ہیں

---

گدا نواز کوئی بھی نہیں ان جیسا

چلو گداؤ نبی کے وطن میں رہتے ہیں

---

کبھی تو پاس بلائیں گے ہم کو بھی آقا

اسی خیال میں ہم اس لگن میں رہتے ہیں

---

رسائی دست خزاں کی محال ہے اُن تک

جو پھول میرے نبی کے چمن میں رہتے ہیں

---

وہ راہ حق سے کبھی بھٹک نہیں سکتے

جو گم خیالِ حسین وحسن میں رہتے ہیں

---

انہیں سے سوز محبت ملا ہے دنیا کو

مرے نبی کے جو عاشق قرن میں رہتے ہیں

---

نیازی گرمی محشر کا اُن کو خوف نہیں

جو لوگ سایہ شاہ زمن میں رہتے ہیں