لَحَد میں وہ صورت دکھائی گئی ہے

لَحَد میں وہ صورت دکھائی گئی ہے

مری سوئی قسمت جگائی گئی ہے

---

نہیں تھا کسی کو جو منظر پہ لانا

تو کیوں بزمِ عالم سجائی گئی ہے

---

صبا سے نہ کی جائے کیوں کر محبّت

بہت اُن کے کوچے میں آئی گئی ہے

---

وہاں تھی فدا مصر میں اک زُلیخا

یہاں صدقے ساری خدائی گئی ہے

---

یہ کیا کم سَنَد ہے مری مَغفِرت کی

ترے در سے میّت اُٹھائی گئی ہے

---

گنہگار اُمّت پہ رحمت کی دولت

سرِ حشر کُھل کر لُٹائی گئی ہے

---

شراب طُہُور اُن کے دستِ کرم سے

سرِ حوض کوثر پلائی گئی ہے

---

بہت شاد ہیں قبر میں اہلِ نسبت

نبیؐ کی زیارت کوئی گئی ہے

---

کسے تابِ نظّاررہ جالی کے آگے

نظر احترا ماً جُھکائی گئی ہے ے

---

لَحَد سے نصیرؔ اب چلو تم بھی اُٹھ کر

اُنہیں دیکھنے کو خدائی گئی ہے