میں تو کم تر ہوں مری بات ہے اعلیٰ افضل

میں تو کم تر ہوں مری بات ہے اعلیٰ افضل

میری کیا بات بھلا، نعت ہے اعلیٰ افضل

---

مجھ کو چھوڑو مرے ممدوح کی تعریف سنو

رَبّ کے مابعد وہی ذات ہے اعلیٰ افضل

---

نصف شب میں جو ضیا بار ہو وہ مہرِ منیر

روزِ روشن سے بھی وہ رات ہے اعلیٰ افضل

---

اس کی یادوں نے کیا روح کا موسم جل تھل

دل کی بستی میں یہ برسات ہے اعلیٰ افضل

---

جب بھی آنکھوں میں ترے دور کا منظر جاگے

ہر گھڑی ثمرۂ لحظات ہے اعلیٰ افضل

---

اس کے قاتل ہیں خجل خوار زمانے بھر میں

تیرے شبّیر کی ہی ذات ہے اعلیٰ افضل

---

سارے رستے رہا جاءوک لبوں پر میرے

سو ظفر میری مناجات ہے اعلیٰ افضل