مرحبا مرحبا آگئے مصطفےٰ
جدھیاں راہواں بڑے ویخدے رہ گئے
گودی چکیا حلیمہؓ نے سرکار نوں
نازاں والے کھڑے ویخدے رہ گئے
کلی خوش بخت سی ابو ایوبؓ دی
جتھے جا کے رُکی ڈاچی محبوبؐ دی
نینویاں دا پروہنا ایں میرا نبی
کوٹھیاں تے چڑھے ویخدے رہ گئے
دتی نبیاں گواہی سی میثاق دی
ویخو عظمت ذرا شاہِ لولاک دی
ایسی بولی سی اُمی نبی پاک دی
سب کتاباں پڑھے ویخدے رہ گئے
یار پیارے جہڑے پیار کردے گئے
عمرؓ صدیقؓ فاروقؓ حیدرؓ جیہے
نیڑے بھانویں ابوجہل ورگے رہے
اوہ نصیباں سڑے ویخدے رہ گئے
عقل دے کولوں ہوئی کدوں رہبری
عشق دے پچھے ٹُر پئے تے منزل ملی
سوہنے دی گل منّی تسوہنے دی گل منّی تاں گل بنی
اپنی گل تے اڑے ویخدے رہ گئے
اللہ والے دی نسبت ظہوریؔ ملی
حشر نوں لاج میرے جنہے رکھ لئی
میرے ہنجواں دی جس ویلے قیمت پئی
ہیرے موتی جڑے ویخدے رہ گئے
شاعر کا نام :- محمد علی ظہوری
کتاب کا نام :- کِتھے تیری ثناء