نورِ ازلی چمکیا غائب ہنیرا ہوگیا
کملی والا آگیا ہر تھاں سویرا ہوگیا
حشر تک اوہ پاک راہواں سجدہ گاہواں بن گیّاں
جنہاں راہوں تے مرے آقا دا پھیرا ہوگیا
رب نوں وی ہوگئی دھرتی بڑی محبوب اوہ
جہڑی تھاں تے احمدِ مُرسل دا ڈیرا ہوگیا
فخر سارے نیں بجا سوہنے مدینے پاک دے
عرشِ اعظم توں اہدا رتبہ اچیرا ہوگیا
یا رسول اللہؐ! اوہ کِنّے بخت والے لوگ سن
جنہاں دی قسمت دے وچ دیدار تیرا ہوگیا
ہوگئی مینوں ظہوریؔ درد دی دولت نصیب
مل گیا اے چین جد دا غم ودھیرا ہوگیا
شاعر کا نام :- محمد علی ظہوری
کتاب کا نام :- کِتھے تیری ثناء