میرے حضورؐ ! آپ کا حسن و جمال بے مثال
ہر اِک ادا ہے لا جواب ہر اِک کمال بے مثال
جس کے قدم کی خاک پر اوجِ فلک بھی ہے نثار
آپؐ کے دَم سے ہوگئی شانِ بلالؓ بے مثال
آپؐ کی شان دیکھ کر ارض و سما نے کہہ دیا
رنگِ جمال منفرد ، شانِ جلال بے مثال
شعرو سخن کے باب میں نعت کا فیض دیکھئے
آپ سے آپ ہو گئے لفظ و خیال بے مثال
دونوں جہاں میں آپ ؐ کے لطف و کرم کی ہو طلب
آکے لبوں پہ جم گیا ایک سوال بے مثال
فیضیؔ دیارِ نور کی رہتی ہے دل میں روشنی
کیسے نہ میرے نام ہو صبحِ کمال بے مثال
شاعر کا نام :- اسلم فیضی
کتاب کا نام :- سحابِ رحمت