موسیٰ اُتے چھڈ دے گلاں طور دیاں
گلاں کریا کر مدنی دے نور دیاں
ملی سماعت ایسی مدنی سوہنے نوں
سُن لیندا اے گلاں نیڑے دور دیاں
جے توں پار سلامت کشتی کھڑنی ایں
خیراں منگیا کر مدنی دے پُور دیاں
کی تعریف کِسے نے اوہدی کر لینی
شاناں آپ ودھایاں رب حضور دیاں
آپے پیندیاں چل مدینے جاندیاں ای
اکھیاں وچوں نہراں کیف سرور دیاں
عاجز ہوناں پیندا وچ مدینے دے
دَھوناں اوتھے جاندیاں ٹُٹ غرور دیاں
صائم جو سی آندا مدنی سوہنے نے
جگ سارے نوں لوڑاں اُس دستور دیاں
شاعر کا نام :- علامہ صائم چشتی
کتاب کا نام :- کلیات صائم چشتی