اوہ وی ویلا کیہو جئیا میرے یار ہووے گا
اکھاں اگے جدوں سوہنے دا دربار ہووے گا
دلوں جانوں جیہڑا نبی توں نثار ہووے گا
اوہنوں جیوندیاں ای سوہنے دا دیدار ہووے گا
ہوسی خزاں چہ بہار پالے نبی نال پیار
وچہ مشکلاں دے یار سوہنے نبی نوں پکار
تیرا بیڑہ وی طوفاناں وچوں پار ہووے گا
جس دن سوہنے کرم کمایا گھر مسکین دے پھیرا پایا
ودھ کے عید نالوں میرے لئی اوہ وار ہو وے گا
راضی ہون گے حبیب دارو دین گے طبیب
دن آون کے قریب اودوں جاگن کے نصیب
جدوں سامنے حضور دا دربار ہووے گا
اکواری ہے جینے تکیاں ساقی دیاں مدھ بھریاں اکھیاں
بھریا لوں لوں چہ اوسدے خمار ہووے گا
جدوں ہلے اوہدے لب عیب دھل جانے سب
میرے نبی دے سبب اوہنوں بخش دینا رب
بھاویں کڈا وی کوئی پاپی گنہ گار ہو وے گا
دیواں جگ نوں دہائی مینوں سمجھ ایہو آئی
مہر نبی جے نہ لائی سکہ چلناں نہیں کائی
کھلا حشر درجاں دوستو بازار ہووے گا
و سے ساری کائنات سدھ اوسے دی بارات
ہے ایہ سچی گل بات اوہدی ہووے گی نجات
پنجتن پاک دا جیہڑا وی حب دار ہووے گا
یار نیازی دنیا ساری کردی اوہدی تابعداری
جیہڑا اللہ تے نبی دا تابعدار ہووے گا
شاعر کا نام :- عبدالستار نیازی
کتاب کا نام :- کلیات نیازی