راستہ دکھاتا ہوں نعت کے اجالے سے

راستہ دکھاتا ہوں نعت کے اجالے سے

میں بھی جانا جاتا ہوں نعت کے حوالے سے

---

جب خیال آتا ہے صاحبِ دو عالم کا

روح میں اترتے ہیں بے بہا اجالے سے

---

کب قرار پائے گا میرا دل مدینے کا

چبھ رہے ہیں سینے میں فرقتوں کے بھالے سے

---

ریگِ دل میں پھوٹا ہے آب ہجرِ طیبہ کا

سیر ہو کے پیتا ہوں درد کے پیالے سے

---

جب اتاری جاتی ہے نعت میرے سینے پر

سرفراز ہوتا ہوں روشنی کے ہالے سے

---

ٹھوکروں میں رکھتا ہے تاج و تختِ سلطانی

جس کو بھیک ملتی ہے کالی کملی والے سے

---

آپ کو مواجہ پر حالِ دل سنانا تھا

فرطِ عشق سے لب پر پڑ گئے ہیں تالے سے