ساڈی کاہدی زندگی سوہنے بناں
سوہنی نئیں لگدی خوشی سوہنے بناں
آکھیا رب نے توں اے جبریل جا
سجدا نئیں عرش وی سوہنے بناں
لنگدیاں رو رو کے راتاں میریاں
کلی سجدی نئیں میری سوہنے بناں
زور لایا اے بڑا چارہ گراں
روگ مکنے نئیں کدی سوہنے بناں
دور رہ کے لذتاں نئیں اوندیاں
ہے ادھوری بندگی سوہنے بناں
ہور وی آئے نبی پر عرش تے
پہنچا نہیں کوئی وی سوہنے بناں
حشر دے دن سب نبی موجود سن
گل نئیں میری بنی سوہنے بناں
مل گیا سنگ سوہنیاں دی ذات دا
میرے پلے ہور کی سوہنے بناں
ہے کرم سوہنے دا مرے نال نال
کوئی نئیں لنگدی گھڑی سوہنے بناں
آسے پاسے کیوں نیازی دیکھناں
ہے کہدی بیڑی تری سوہنے بناں
شاعر کا نام :- عبدالستار نیازی
کتاب کا نام :- کلیات نیازی