سرکار بنا لطف و عطا کون کرے گا
امت لئی رو رو کے دعا کون کرے گا
رب اپنے گنہگار نوں بھیجے اوہدے در تے
سرکار بناں معاف خطا کون کرے گا
دشمن نے جفا کیتی تے اس منگیاں دعاواں
ایہہ رسم وفا ہور ادا کون کرے گا
جے عشق دے پینڈے چہ رہوے ہوش نہ اپنی
فیر اوس گواچے دا پتہ کون کرے گا
خود فاقے رہوے، آئے سوالی نوں رجاوے
مسکیناں لئی جود و سخا کون کرے گا
اللہ وی جدھی نعت پڑھے گا ظہوریؔ
حق اوہدیاں نعتاں دا ادا کون کرے گا
شاعر کا نام :- محمد علی ظہوری
کتاب کا نام :- صفتاں سوہنے دیاں