مٹھے مٹھے سوہنے تیرے بول کملی والیا
کج لیندے عاصیاں دے پول کملی والیا
ٹھنڈیاں ہواواں نے مدینے وچوں چلیاں
زلفاں نوں دتا جدوں کھول کملی والیا
تیرے ای سہارے مینوں جگ تے سنبھالیا
نئیں تے خورے جاناں سی میں ڈول کملی والیا
تیریاں عطاواں دا تے میریاں خطاواں دا
وجیا زمانے اتے ڈھول کملی والیا
عرش سجایا تے بلاوا رب گھلیا
راتوں رات آ جا میرے کول کملی والیا
اتھرو وگاواں نالے ویکھی جاواں جالیاں
بہہ کے تیرے قدماں دے کول کملی والیا
اپنے غلاماں دے غلاماں دے غلاماں لئی
جنتاں دے بوہے دتے کھول کملی والیا
غم کیویں ظہوریؔ کرے قبر دا تے حشر دا
رحمتاں دی کنجی تیرے کول کملی والیا
شاعر کا نام :- محمد علی ظہوری
کتاب کا نام :- صفتاں سوہنے دیاں