اوہدی بولی رب دی بولی اے گفتار دیاں کیا باتاں نیں
مخلوق خدا دی اک پاسے سرکار دیاں کیاں باتاں نیں
چہرہ نوری ماشاء اللہ جو ویکھے ہووے دل تھیں فدا
محبوب دے سوہنے مکھڑے دے انوار دیاں کیا باتاں نیں
صدیقؓ و عرؓ عثمانِ غنیؓ، زہراؓ، حسنینؓ تے مولا علیؓ
میرے مدنی ماہی دے سوہنے گھر بار دیاں کیاں باتاں نیں
سدرہ توں براق اگاں نہ گیا رف رف وی راہواں وچہ رہیا
محبوب خدا عرشاں تے گیا رفتار دیاں کیا باتاں نیں
اوہدے دشمن نے وی بنا لڑے رکھ دتے سی ہتھیار اپنے
اخلاق نبی دی چپ کیتی تلوار دیاں کیا باتاں نیں
ہر ویلے گونجے صلی علیٰ روضے دی فضا سبحان اللہ
قربان ظہوریؔ آقا دے دربار دیاں کیا باتاں نیں
شاعر کا نام :- محمد علی ظہوری
کتاب کا نام :- صفتاں سوہنے دیاں