شان وکھرا آمنہ دے لال دا
کوئی وی سوہنا نئیں سوہنے نال دا
کیوں نہ اس سوہنے دیاں صفتاں کراں
نام وی جس دا ہے لج پال دا
میرا تے ایمان ہے اس گل تے
اوہ ہے واقف تیرے میرے حال دا
جگمگاون گے نصیباں دے چراغ
توں رویں سوہنے دے دیوے بال دا
لنگھ جاساں خیر خیریں پل صراط
میرے ہاتھ پلہ نبی دی آل دا
چن نوں ویکھو تے لگدا آج ٹُٹا
واقعہ ہے ایہہ چودہ سو سال دا
رہن گے تیرے سدا کاسے بھرے
ذکر کریا کر نبی لج پال دا
کر دے ساڈے لئی سفارش کرم دی
سوہنیاں رب تیریاں نہیں ٹال دا
مینوں تے کوئی نیازی غم نہیں
نام لیوا ہاں نبی دی آل دا
شاعر کا نام :- عبدالستار نیازی
کتاب کا نام :- کلیات نیازی