سوما سعادتاں دا اے رحمت حُضورؐ دی
رنگاں دا سلسلا اے شریعت حُضورؐ دی
ہے جتّھوں جتّھوں تِیک حیاتی دی روشنی
ہے اوتھوں اوتھوں تِیک رسالت حُضورؐ دی
سُورج دی پرتیاسی مِرے شہؐ دے حکم نال
دِتّی سی روڑیاں وی شہادت حُضورؐ دی
لَا تَرْ فَعُوْا دے حکم نوں ہر ویلے یاد رکھ
کلیاں توں سوہل جان طبعیت حُضورؐ دی
ایہو خیال رکھدا اے غم وچ وی مینوں شاد
دکھیاں دے غم ونڈانا اے عادت حُضورؐ دی
جیون دا پینڈا کر دیاں تھک جاناں جد کدی
ہمّت مِری ودھاندی اے سیرت حُضورؐ دی
اولاد ،مال ،جان تو کر دِتّا بے نیاز
تائبؔ نوں رب نے دے کے محبّت حُضورؐ دی
شاعر کا نام :- حفیظ تائب
کتاب کا نام :- کلیاتِ حفیظ تائب